Verbum

бязгно́іца Пустое поле, без гною (Слаўг.).

бяздо́нне Глыбіня, яма, дрыгва, вір (БРС). Тое ж бяздонніца, прадонне (Слаўг.).

бязле́сіца Тэрыторыя, бедная лесам (БРС). Тое ж бязле́ссе (БРС), поле (Слаўг.).

бязо́дня Бездань, невымерная глыбіня (Бяр. 2).

бялі́льня

1. Месца, дзе беляць воўну, лён (Грыг. 1850).

2. Лужок, узмежак, дзе беляць на сонцы мокрыя палотны (Слаўг.).

бяля́на Зямля, якая мае белы колер; белая гліна (Грыг. 1850).

бярло́га Мядзведжае логава (Бых., Кап., Кобр., Маладз., Слаўг., Смален. Дабр., Смарг., Стаўбц.), воўчае логава (Нар., Рэч.). Тое ж бярлог (Вор., Жытк., Кам., Нясв., Пол., Шчуч.).

бяро́завец Бярозавы гай (Стаўбц. Прышч.).

бярэ́зіна Бярозавы зараснік, лес (Грыг. 1850, Палессе Талст., Слаўг.). Тое ж бяроза (Слаўг.), бярозавік (Віл.), бяроза (Палессе Талст., Слаўг., Слуцк.).

□ ур. Бярэзіна (балота) Слаўг., р. Бяроза (пр. пр. Дняпра), Бяроза (шлях ад Прапойска да Магілёва), ур. Бяроза (поле) каля в. Зялёная Дуброва Слуцк., ур. Бярозавік (балота) каля в. Засценкі Віл., Бярозаўка (назва вуліцы) у в. Свенск Слаўг., в. Бярозаўка Слаўг., г. Бяроза Брэсц.

бярэ́зна Месца, якое зарасло бярэзнікам (Стол.).

□ ур. Бярэзна каля в. Аздамічы Стол.