баро́к Невялікі бор; невялікі лясок (Раг., Слаўг.).
□ ур. Боркі каля в. Кульшычы Слаўг., ур. Казацкі Барок (група курганаў) каля пас. Чарнец Слаўг., в. Высокі Барок Краснап.
баро́ўка
1. Месца, дзе растуць чарніцы Vaccinium myrtillus L. (Слаўг., Гом. Грыг. 1850).
2. Пясчаная глеба, дзе рос бор (Слаўг.).
□ ур. Бароўка (паша) каля в. Бабінавічы Арш., б. х. Бароўка каля в. Кульшычы Слаўг., в. Бароўка ў Крыч. старостве (Меер, 1786, 117).
баро́чак Невялікі, дробны сасновы лес (Нас. АУ).
барсуко́вішча Месца, дзе ёсць барсуковы норы (Слаўг.).
□ ур. Барсуковішча каля в. Віравая Слаўг.
барць Бортнае дрэва (Грыг. 1850).
бары́шча Пясчанае, неўрадлівае месца, якое зарасло сасновым лесам (Грыг. 1850). Тое ж бараві́зна (ЛМ 1585).
баханы́ Ямы (Слаўг.).
□ ур. Баханы (лес, поле) каля в. Шаламы Слаўг., в. Боханы Хоцімскага войтаўства Крыч. староства (Меер, 1786, 119).
бахаты́ Ямы, дзе здабываюць гліну (Слаўг.).
□ ур. Бахаты (гліністыя кар'еры) каля в. Бязуевічы Слаўг.
бахча́ Агарод у полі (Ветк.). Тое ж башта́н (Віл., Ів. ЛіМ, 6 лютага, 1968, Рэч.), башта́ (Рэч.).
ба́цькаўшчына
1. Месца, сядзіба, вуліца, нас. п., краіна, дзе нарадзіўся чалавек (Нясв., Слаўг.).
2. Бацькавы ўладанні, месца, дзе бацька жыў, працаваў; бацькава спадчына (Грыг. 1850, Нясв., Слаўг.). Тое ж ба́шчына, ба́цыачына (Грыг. 1850), ба́цьківі́на́, ба́цькаві́на (Слаўг.).