Verbum

паўа́ркуш, ‑а, м.

Кавалак паперы намерам у палавіну аркуша.

паўаршы́на, м.

Палавіна аршына. — От які сусед мне папаўся, Андрэй, — гаварыў па дарозе Сымон. — Свінушнік пабудаваў, дык на паўаршына ў маю сядзібу ўлез. Чарнышэвіч.

паўасве́тлены, ‑ая, ‑ае.

Недастаткова, слаба асветлены. Паўасветлены пакой.

паўаўтама́т, ‑а, М ‑маце, м.

Механізм, які самастойна робіць адзін рабочы цыкл, але патрабуе ўмяшання чалавека для паўтарэння цыкла.

паўаўтаматы́чны, ‑ая, ‑ае.

Які мае адносіны да паўаўтамата; які з’яўляецца паўаўтаматам. Паўаўтаматычны станок.

паўафіцы́йны, ‑ая, ‑ае.

Не зусім афіцыйны; афіцыйны да некаторай ступені. Незалежны і паўафіцыйны тон укалоў дзяўчыну. Карпюк.

паўба́к, ‑а, м.

Тое, што і бак ​².

паўбіва́цца, ‑аецца; ‑аемся, ‑аецеся, ‑аюцца; зак.

Убіцца — пра ўсіх, многіх або пра ўсё, многае.

паўбіва́ць, ‑аю, ‑аеш, ‑ае; зак., што.

Убіць усё, многае. Паўбіваць цвікі.

паўбіра́цца, ‑аецца; ‑аемся, ‑аецеся, ‑аюцца; зак.

Убрацца — пра ўсіх, многіх або пра ўсё, многае.