Verbum

партгру́па, ‑ы, ж.

Партыйная група, якая ўваходзіць у склад пярвічнай партыйнай арганізацыі.

партдзяржкантро́ль, ‑ю, м.

Партыйна-дзяржаўны кантроль.

партдысцыплі́на, ‑ы, ж.

Партыйная дысцыпліна.

партз’е́зд, ‑а, М ‑дзе, м.

Партыйны з’езд.

парткабіне́т, ‑а, М ‑неце, м.

Партыйны кабінет; у 1952 г. ператвораны ў партыйную бібліятэку; з 1956 г. — кабінет палітычнай асветы пры камітэтах КПСС.

парткале́гія, ‑і, ж.

Калегія пры Камітэце партыйнага кантролю КПСС, якая займаецца разглядам асабістых спраў камуністаў.

парткалекты́ў, ‑тыву, м.

Партыйны калектыў.

партканферэ́нцыя, ‑і, ж.

Партыйная канферэнцыя.

парткіраўні́цтва, ‑а, н.

Партыйнае кіраўніцтва.

партко́м, ‑а, м.

Партыйны камітэт — камітэт, які выбіраецца партыйнай арганізацыяй КПСС для вядзення бягучай работы. Мне ўспомнілася гэтае падарожжа з сакратаром парткома, гутарка з ім і яго словы — «пабачыце, што тут будзе рабіцца», калі я прыехаў на Нафтабуд у самы разгар будаўніцтва завода. Хадкевіч. // Памяшканне, пакой, дзе праводзіцца работа партыйнага камітэта. Дзімін падыходзіў ужо да парткома, калі ўбачыў машыну галоўнага інжынера. Карпаў. // Сход, пасяджэнне такога камітэта. [Страмілін:] Я думаю паставіць даклад галоўнага інжынера на парткоме. Крапіва.