Verbum

пастэ́раўскі, ‑ая, ‑ае.

У выразе: пастэраўскія прышчэпкі гл. прышчэпка.

[Ад уласн. імя.]

пастэрызава́ны, ‑ая, ‑ае.

1. Дзеепрым. зал. пр. ад пастэрызаваць.

2. у знач. прым. Падвергнуты пастэрызацыі; абясшкоджаны. Пастэрызаванае малако. Пастэрызаваныя фруктовыя сокі.

пастэрызава́цца, ‑зуецца; зак. і незак.

1. Падвергнуцца (падвяргацца) пастэрызацыі.

2. толькі незак. Зал. да пастэрызаваць.

пастэрызава́ць, ‑зую, ‑зуеш, ‑зуе; зак. і незак.

Падвергнуць (падвяргаць) пастэрызацыі. Пастэрызаваць грыбы.

пастэрыза́тар, ‑а, м.

Апарат для пастэрызацыі. Паравы пастэрызатар.

пастэрызацы́йны, ‑ая, ‑ае.

Які служыць для пастэрызацыі. Пастэрызацыйныя апараты. Пастэрызацыйны пункт. Пастэрызацыйная ванна.

пастэрыза́цыя, ‑і, ж.

Знішчэнне шкодных мікраарганізмаў у вадкасцях шляхам награвання да тэмпературы не вышэйшай, чым 100°. Пастэрызацыя малака.

пасу́да, ‑ы, ДМ ‑дзе, ж., зб.

Тое, што і посуд. Бразнула нешта з пасуды, і .. [Міканор] прачнуўся, расплюшчыў вочы. Кулакоўскі.

пасу́дак, ‑дку, м., зб.

Разм. Тое, што і посуд. Міронава дачка мабыць толькі што прыбрала вячэру і мые пасудак. Скрыган. — Я пахвалю любы пасудак, калі ў ім будзе чысты бярозавы сок. Паслядовіч.

пасудамы́ечны, ‑ая, ‑ае.

Які прызначаны, служыць для мыцця пасуды. Пасудамыечная машына.