Verbum

павыша́ць, ‑аю, ‑аеш, ‑ае.

Незак. да павысіць.

павышмо́ргвацца, ‑аюцца; зак.

Разм. Вышмаргнуцца — пра ўсё, многае.

павышмо́ргваць, ‑аю, ‑аеш, ‑ае; зак., што.

Вышмаргаць усё, многае, вышмаргнуць у многіх месцах. Павышморгваць ніткі з іголак. □ Барада [дзеда Трыфана] вісела рэдкімі касмылямі, як бы яе хто павышморгваў... Сабаленка.

павышту́рхваць, ‑аю, ‑аеш, ‑ае; зак., каго-што.

Выштурхнуць усіх, многіх або ўсё, многае.

павышу́кваць, ‑аю, ‑аеш, ‑ае; зак., каго-што.

Разм. Вышукаць, адшукаць усіх, многіх або ўсё, многае. Павышукваць падсудных. Павышукваць патрэбныя кнігі.

павышчарбля́цца, ‑яецца; зак.

Тое, што і павышчэрблівацца.

павышчарбля́ць, ‑яю, ‑яеш, ‑яе; зак.

Тое, што і павышчэрбліваць.

павышчы́пваць, ‑аю, ‑аеш, ‑ае; зак., што.

Вышчыпаць усё, многае, вышчыпнуць што‑н. у многіх месцах. Павышчыпваць бровы.

павышчэ́рблівацца, ‑аецца; зак.

Вышчарбіцца — пра ўсё, многае. Дзе-нідзе цэмент павышчэрбліваўся. Баранавых.

павышчэ́рбліваць, ‑аю, ‑аеш, ‑ае; зак., што.

Вышчарбіць што‑н. у многіх месцах, вышчарбіць усё, многае. Павышчэрбліваць сякеры.