Verbum

паба́лаваць, ‑лую, ‑луеш, ‑луе; зак., каго.

1. Праяўляючы ўвагу да каго‑н., песцячы, даць адчуць задавальненне. Пабалаваць дзіця. Пабалаваць увагай.

2. Балаваць некаторы час.

пабала́каць, ‑аю, ‑аеш, ‑ае; зак.

Разм.

1. Балакаць некаторы час. [Крэшчык] любіць кампанію вышэйшага палёту, любіць пасядзець, пабалакаць, парагатаць. Колас.

2. Пагаварыць аб дробязях. [Віктару] не маўчалася, цягнула яшчэ пабалакаць з бацькам, паблазнаваць. Карпаў.

пабалбата́ць, ‑бачу, ‑бочаш, ‑боча; зак.

Разм. Балбатаць некаторы час.

пабале́ць, ‑ліць; зак.

Балець некаторы час. Пабалелі рукі і перасталі.

пабалява́ць, ‑люю, ‑люеш, ‑люе; зак.

Баляваць некаторы час. Пабаляваць на вяселлі.

пабанкетава́ць, ‑тую, ‑туеш, ‑туе; зак.

Банкетаваць некаторы час.

пабараба́ніць, ‑ню, ‑ніш, ‑ніць; зак.

Барабаніць некаторы час. Галаўня прыкурыў цыгарэту і, пыхкаючы, пабарабаніў па стале пальцамі. Гроднеў.

пабаразні́ць, ‑разню, ‑розніш, ‑розніць; зак., што.

1. Баразніць некаторы час.

2. перан. Утварыць складкі, маршчыны.

пабаранава́ны, ‑ая, ‑ае.

Дзеепрым. зал. пр. ад пабаранаваць (у 1 знач.).

пабаранава́ць, ‑ную, ‑нуеш, ‑нуе; зак., што.

1. Апрацаваць пры дапамозе бараны. Як толькі з поля сышоў снег, калгаснікі пабаранавалі пасевы ў два сляды. «Беларусь».

2. і без дап. Баранаваць некаторы час. Пабаранаваць да абеду.