падсо́львацца, ‑аецца; незак.
1. Незак. да падсаліцца.
2. Зал. да падсольваць.
падсо́льваць, ‑аю, ‑аеш, ‑ае.
Незак. да падсаліць.
падсо́сны, ‑ая, ‑ае.
Спец.
1. Якую ссе дзіцяня. Падсосная свінаматка. Падсосныя кабылы. // Такі, які ссе матку (пра парасят, цялят і пад.). Падсосныя парасяты.
2. Звязаны з адкормам маладняку малаком матак. Падсосны перыяд. Падсосны метад.
падсо́ўвацца, ‑аюся, ‑аешся, ‑аецца; незак.
1. Незак. да падсунуцца.
2. Зал. да падсоўваць.
падсо́ўваць, ‑аю, ‑аеш, ‑ае.
Незак. да падсунуць.
падсо́хлы, ‑ая, ‑ае.
Які злёгку высах, стаў больш сухім. У пакоях свежа пахла падсохлай фарбай. Мележ. Дзьмуў свежы вецер, на падсохлым асфальце ўжо курыўся пыл. М. Стральцоў. // Які часткова засох. Каля плоту, што адгароджваў сад ад двара, стаяла падсохлая чарэшня. Лобан.
падсо́хнуць, ‑ну, ‑неш, ‑не; пр. падсох, ‑ла; зак.
Злёгку высахнуць, стаць больш сухім. Як толькі падсохла сырая зямля, Брыгада лён сеяць У поле пайшла. Танк. / у безас. ужыв. Дзень быў ясны, цёплы. Нават на цельшынскай вуліцы падсохла. Колас. // Засохнуць часткова. Мы ў горадзе — пара сасонак, апавітых дымком пры мурах... Нам расці б... Ды над шапкай зялёнай верхавінка падсохла, як шпіль. Арочка.
падсо́чаны, ‑ая, ‑ае.
Дзеепрым. зал. пр. ад падсачыць 2.
падсо́чваць 1, ‑аю, ‑аеш, ‑ае.
Незак. да падсачыць 1.
падсо́чваць 2, ‑аю, ‑аеш, ‑ае.
Незак. да падсачыць 2.
падсо́чка, ‑і, ДМ ‑чцы, ж.
Дзеянне паводле знач. дзеясл. падсачыць 2.