Verbum

пазашлю́бны, ‑ая, ‑ае.

Які адбываецца, існуе і пад. не ў шлюбе. Пазашлюбная сувязь. □ Маці пазашлюбнага дзіцяці атрымлівае ад дзяржавы дапамогу на яго ўтрыманне. «Маладосць».

пазашмальцо́ўваць, ‑аю, ‑аеш, ‑ае; зак., што.

Разм. Зашмальцаваць, запэцкаць усё, многае. Пазашмальцоўваць вопратку.

пазашмо́ргвацца, ‑аецца; зак.

Зашмаргнуцца — пра ўсё, многае. Петлі пазашморгваліся.

пазашмо́ргваць, ‑аю, ‑аеш, ‑ае; зак., што.

Зашмаргнуць, зацягнуць усё, многае. Пазашморгваць вузлы. Пазашморгваць кісеты.

пазашпі́львацца, ‑аемся, ‑аецеся, ‑аюцца; зак.

Зашпіліцца — пра ўсіх, многіх. [Юрка і Юзік] пазашпільваліся, панадзявалі шапкі. Чорны.

пазашпі́льваць, ‑аю, ‑аеш, ‑ае; зак., што.

Зашпіліць усё, многае. Пазашпільваць гузікі. Пазашпільваць кішэні.

пазашпунто́ўваць, ‑аю, ‑аеш, ‑ае; зак., што.

Зашпунтаваць усё, многае. Пазашпунтоўваць бочкі.

пазашрубо́ўваць, ‑аю, ‑аеш, ‑ае; зак., што.

Зашрубаваць усё, многае. Пазашрубоўваць гайкі.

пазашта́тны, ‑ая, ‑ае.

Які не з’яўляецца штатным. Рэпарцёры, нарысісты, фельетаністы, фотакарэспандэнты — штатныя і пазаштатныя — збіраліся ў купкі і горача абмяркоўвалі, дзе і як яны скончаць гэты дзень. Васілёнак.

пазашчэ́мліваць, ‑аю, ‑аеш, ‑ае; зак., што.

Зашчаміць усё, многае. Пазашчэмліваць пальцы.