Verbum

паадпі́хваць, ‑аю, ‑аеш, ‑ае; зак., каго-што.

Тое, што і паадпіхаць.

паадплята́цца, ‑аецца; зак.

Разм. Адплесціся, расплесціся — пра ўсё, многае.

паадплята́ць, ‑аю, ‑аеш, ‑ае; зак., што.

Разм. Адплесці, расплесці адно за другім усё, многае. Паадплятаць ленты.

паадпо́рвацца, ‑аецца; зак.

Адпароцца ў многіх месцах, усюды — пра ўсё, многае. Рукавы паадпорваліся.

паадпо́рваць, ‑аю, ‑аеш, ‑ае; зак., што.

Адпароць адно за другім усё, многае; адпароць у многіх месцах. Паадпорваць гузікі. Паадпорваць пагоны. Паадпорваць падкладку з бакоў.

паадпо́ўзваць, ‑ае; ‑аем, ‑аеце, ‑аюць; зак.

Разм. Тое, што і паадпаўзаць.

паадпрага́цца, ‑аецца; зак.

Адпрэгчыся, распрэгчыся — пра ўсіх, многіх. Коні паадпрагаліся.

паадпрага́ць, ‑аю, ‑аеш, ‑ае; зак., каго.

Адпрэгчы, распрэгчы ўсіх, многіх. [Пётр] шустра паадпрагаў коней, вывеў за вароты ў лясок і спутаў іх. Скрыган.

паадпраўля́ць, ‑яю, ‑яеш, ‑яе; зак., каго-што.

Адправіць усіх, многіх або ўсё, многае. Паадпраўляць людзей на работу. Паадпраўляць цягнікі. Паадпраўляць пасылкі.

паадпро́швацца, ‑аецца; ‑аемся, ‑аецеся, ‑аюцца; зак.

Разм. Адпрасіцца — пра ўсіх, многіх. Дзеці паадпрошваліся ў лес.