Verbum

паразліва́ць, ‑аю, ‑аеш, ‑ае; зак., што.

Разліць усё, многае. Гаранскі паразліваў у крышталёвыя чаркі бальзам. Сабаленка. Прыходзіў.. Анатоль сюды зацемна, а ўставаў рана, але кожны раз, калі ішоў мыцца ў нейкі закутачак у канцы калідора, там былопоўна вады, мусіць, паразлівалі шафёры.. Адамчык.

паразло́мвацца, ‑аецца; зак.

Разламацца — пра ўсё, многае.

паразло́мваць, ‑аю, ‑аеш, ‑ае; зак., што.

Разламаць усё, многае.

паразло́млівацца, ‑аецца; зак.

Тое, што і паразломвацца.

паразло́мліваць, ‑аю, ‑аеш, ‑ае; зак., што.

Тое, што і паразломваць.

паразляга́цца, ‑аецца; ‑аемся, ‑аецеся, ‑аюцца; зак.

Разм. Разлегчыся — пра ўсіх, многіх або пра ўсё, многае. Па-рознаму людзі і паводзілі сябе: адны вольна, нібыта дома, паразлягаліся па матах і спакойна спалі..; другія сядзелі, насцярожана, ціхенька, да ўсяго прыглядаліся, прыслухоўваліся. Сачанка.

паразлята́цца, ‑аецца; ‑аемся, ‑аецеся, ‑аюцца; зак.

Разляціцца — пра ўсё, многае або пра ўсіх, многіх. Шпакі паразляталіся з гняздоўя. □ Месца хопіць усім: мы толькі ўдваіх са старым засталіся, а дзеткі, дзякаваць богу, паразляталіся куды каторы. Грахоўскі.

паразма́званы, ‑ая, ‑ае.

Дзеепрым. зал. пр. ад паразмазваць.

паразма́звацца, ‑аецца; зак.

Размазацца — пра ўсё, многае.

паразма́зваць, ‑аю, ‑аеш, ‑ае; зак., што.

Размазаць усё, многае.