паскіда́цца, ‑аецца; ‑аемся, ‑аецеся, ‑аюцца; зак.
Скінуцца — пра ўсіх, многіх або пра ўсё, многае.
паскіда́ць, ‑аю, ‑аеш, ‑ае; зак., каго-што.
Скінуць усё, многае або ўсіх, многіх. Хлопцы паскідалі рукзакі, адзенне і адзін за адным кінуліся ў возера. Сіняўскі. Вацяны сёлета адразу варажылі на сухое лета: паскідалі з гнязда малых — аж двое. Пташнікаў.
пасклада́ны, ‑ая, ‑ае.
Дзеепрым. зал. пр. ад паскладаць.
пасклада́ць, ‑аю, ‑аеш, ‑ае; зак., што.
1. Скласці ўсё, многае. Пасля скінулі з Міхалавага воза асіну, паскладалі на воз свае мяшкі з сенам і аброчныя торбы і на іх паклалі Міхала. Чорны. Мы насцягвалі ў лаўжы рознага ламачча, .. і паскладалі яго так, каб яно было відно з паветра. Сабаленка.
2. і без дап. Складаць некаторы час. — Я палезу капаць, — сказаў я, спыніўшы яго [бацьку]. — Ты паскладай. Брыль.
паскла́дваны, ‑ая, ‑ае.
Дзеепрым. зал. пр. ад паскладваць.
паскла́дваць, ‑аю, ‑аеш, ‑ае; зак., што.
Тое, што і паскладаць.
паскле́йваны, ‑ая, ‑ае.
Дзеепрым. зал. пр. ад пасклейваць.
паскле́йвацца, ‑аецца; зак.
Склеіцца — пра ўсё, многае.
паскле́йваць, ‑аю, ‑аеш, ‑ае; зак., што.
Склеіць усё. многае.
паскле́ць, ‑ее; ‑еем, ‑ееце, ‑еюць; зак.
Абл. Азябнуць, змерзнуць. [Пастух] трушком падбег да машыны. — Ай жа добра! Вот дзякуй вам! Ногі пасклелі. Лобан.