Тлумачальны слоўнік беларускай літаратурнай мовы (2002, правапіс да 2008 г.)

Скарачэнні
абвгдеёжзійклмнопрстуфхцчшэюя
агеёжіоуыьэюя
бвгджзйклмнпрстўхцчш

лятучка, ✂, ж. (разм.).

  1. Кароткая вытворчая нарада для вырашэння неадкладных пытанняў.

    • Сабрацца на лятучку.

  2. Лёгкі, аператыўны атрад, брыгада для хуткага перамяшчэння з месца на месца.

    • Рамонтная л.

лятучы, ✂.

  1. Здольны лятаць, насіцца ў паветры.

    • Лятучае насенне.
    • Лятучая мыш (млекакормячая жывёліна з шырокімі крыламі).

  2. Здольны хутка перамяшчацца з месца на месца.

    • Л. атрад.

  3. Які хутка выпараецца, хутка праходзіць.

    • Лятучыя кіслоты.
    • Л. вірус.

  4. перан. Які праводзіцца тэрмінова і хутка.

    • Л. сход.
    • Л. рэйд.

◊

  • Лятучая пошта — часова арганізаваная пошта для хуткай перадачы лістоў, распараджэнняў.

|| наз. лятучасць, ✂.

ляўконія, ✂, ж.

Садовая травяністая расліна сямейства крыжакветных з пахучымі кветкамі.

|| прым. ляўконіевы, ✂.

ляўша, ✂, м.; ✂, ж..

Той, хто валодае левай рукой лепш, чым правай.

ляха, ✂, ж. (разм.).

Шырокая града ў агародзе.

  • Пасадзіла цэлую ляху цыбулі.

|| памянш. лешка, ✂.

ляцець, ✂; незак.

  1. Перамяшчацца, рухацца ў паветры.

    • Бусел ляціць над лугам.
    • Ляцяць самалёты.
    • Песня ляцела над плошчай (перан.).

  2. Тое, што і імчацца.

    • Ляціць тройка ўдалая.

  3. Падаць уніз (разм.).

    • Л. пад адхон.

  4. перан. Пра час: хутка праходзіць.

    • Час ляціць.

  5. Хутка ламацца, ірвацца, расходавацца (разм.).

    • Ляціць адзежа на ім.

  6. перан. Імкнуцца куды-н., да каго-н. (думкамі, душой і пад.).

    • Л. думкамі ў сваё мінулае.

|| зак. паляцець, ✂.

|| наз. лёт, ✂.

На ляту —

  1. у час лёту, руху ў паветры;
  2. перан. мімаходам, на скорую руку, наспех (разм.).

лячыць, ✂; незак.

Прымяняць медыцынскія сродкі для спынення якой-н. хваробы, імкнуцца паправіць здароўе.

  • Л. сухоты.
  • Л. хворага.

|| звар. лячыцца, ✂.

|| наз. лячэнне, ✂.

лячэбніца, ✂, ж.

Лячэбная ўстанова спецыяльнага прызначэння.

  • Ветэрынарная л.

лячэбны, ✂.

Прызначаны для лячэння.

  • Лячэбная фізкультура.
  • Лячэбная ўстанова.

ляшчоткі, ✂.

Дошчачкі, лубкі, якія выкарыстоўваюцца пры пераломах касцей.

  • Ручка ў ляшчотках.

|| прым. ляшчотачны, ✂.