Verbum

скрыпто́рый

(лац. scriptorius = пісчы)

майстэрня рукапіснай кнігі ў заходнееўрапейскіх манастырах 6—12 ст.

скрэб

(англ. scrub)

тып расліннасці засушлівых раёнаў Аўстраліі, што складаецца пераважна з вечназялёных кустоў акацыі.

скрэ́пер

(англ. scraper)

землярыйна-транспартная машына для дарожных работ.

ску́да

(іт. scudo, ад лац. scutum = шчыт)

італьянская сярэбраная або залатая манета 16—18 ст.

скуду́ціс

(літ. skudutis)

літоўскі народны духавы музычны інструмент тыпу шматствольнай флейты.

ску́льптар

(лац. sculptor)

мастак, які працуе ў галіне скульптуры.

скульпту́ра

(лац. sculptura)

1) від выяўленчага мастацтва — стварэнне аб’ёмных вобразаў (статуй, барэльефаў і інш.) з гліны, каменю, дрэва, металу;

2) твор гэтага віду мастацтва або сукупнасць такіх твораў (напр. беларуская с.).

ску́мбрыя

(н.-гр. skumbria, ад гр. skombros)

невялікая марская прамысловая рыба атрада акунепадобных.

ску́мпія

(цюрк. skumpia)

кустовая расліна сям. анакардыевых з жаўтаватай драўнінай і дробнымі жаўтавата-белымі кветкамі, пашыраная ў Паўн. Амерыцы, Паўд. Еўропе і Паўд. Азіі; на Беларусі вырошчваецца як дэкаратыўная.

скунс

(англ. skunks, мн. ад skunk)

невялікі звярок сям. куніц, з бліскучым цёмным футрам, пашыраны ў Паўн. Амерыцы; смярдзючка.