Verbum

пермеа́зы

(ад лац. permeo = праходжу, пранікаю)

бялкі-пераносчыкі, якія ўдзельнічаюць у актыўнай транспарціроўцы рэчываў праз клетачныя мембраны.

пермеа́метр

[ад англ. permea(bility) = пранікальнасць + -метр]

прыбор для вымярэння магнітных характарыстык ферамагнітных матэрыялаў.

пермендзю́р

[англ. permendur, ад perme(ability) = пранікальнасць + dur(able) = трывалы]

магнітна-мяккі сплаў жалеза з кобальтам.

пермено́рм

[ням. Permenorm, ад perme(abel) = пранікальны + Norm = норма]

магнітна-мяккі сплаў нікелю з жалезам.

пермінва́р

[англ. perminvar, ад perme(ability) = пранікальнасць + invar(iable) = нязменны]

магнітна-мяккі сплаў нікелю з жалезам і кобальтам.

пермуты́ты

(фр. permutite, ад лац. permutrae + змяняць)

рэчывы (алюмасілікаты натрыю і калію), якія выкарыстоўваюцца для ачысткі і змякчэння вады.

перніцыёзны

(лац. perniciosus = гібельны)

мед. злаякасны (напр. п-ая анемія).

П’еро́

(фр. pierrot, ад Pierre = імя героя іт. народнай камедыі 16 ст.)

персанаж французскага народнага тэатра 17—18 ст.; блазан, паяц.

перо́н

(фр. perron)

пасажырская платформа 1 на чыгуначнай станцыі.

перпендыкуля́р

(лац. perpendicularis = адвесны)

прамая лінія, якая перасякае другую прамую пад вуглом 90°.