Verbum

сквайр

(англ. squire)

1) скарочаная форма англійскага дваранскага тытула эсквайр;

2) тытул суддзяў і мясцовых службовых асоб у ЗША і Англіі.

сква́тэр

(англ. squatter, ад squat = пасяляцца на чужой зямлі)

1) каланіст, які самавольна займаў свабодны неапрацаваны ўчастак зямлі ў перыяд пачатковай каланізацыі ў Амерыцы і Аўстраліі;

2) жывёлавод у Аўстраліі, які арандуе для сваіх статкаў неапрацаваны ўчастак зямлі.

сквер

(англ. square = квадрат)

невялікі гарадскі грамадскі сад.

скейтбо́рд

(ад англ. skate = каціцца + board = дошка)

1) дошка на роліках;

2) сп. катанне на дошцы з ролікамі.

ске́летан

(англ. skeleton)

від скараснога спуску з гор на спецыяльных санках без рулявога кіравання.

ске́на

(гр. skene)

часовае драўлянае памяшканне ў старажытнагрэчаскім тэатры для пераадзявання і выхаду акцёраў, пазней сцяна ззаду архестры.

скенагра́ма

(ад англ. scan = уважліва разглядаць + -грама)

графічны паказ пухлінных утварэнняў, які атрымліваецца на скенеры.

скенатро́н

(ад англ. scan = уважліва разглядаць + -трон)

прыбор, прызначаны для колерападзельнай карэктуры.

ске́нер

(англ. scanner, ад scan = уважліва разглядаць)

прыбор, які выкарыстоўваецца для выяўлення злаякасных пухлін шляхам назірання над размеркаваннем радыеактыўных ізатопаў, уведзеных у арганізм чалавека.

скені́раваць

(ад англ. scan = уважліва разглядаць)

1) бесперапынна паэлементна праглядваць прастору праменем радыёлакатара;

2) выяўляць злаякасную пухліну ў якім-н. органе чалавека з дапамогай скенера.