Verbum

штры́пка

(ням. Strippe)

кавалак тасьмы, які прышываецца знізу да калашыны штаноў і працягваецца пад ступню ці абутак.

штрыпс

(англ. strips)

стальная паласа, якая з’яўляецца загатоўкай для вырабу зварных труб.

штрых

(ням. Strich)

1) тонкая рыса, лінія;

2) перан. характэрная ўласцівасць чаго-н.

штрэйкбрэ́хер

(ням. Streikbrecher, ад Streik = забастоўка + brechen = ламаць)

асоба, якая ідзе на працу ў час забастоўкі і гэтым самым перашкаджае яе правядзенню.

штрэк

(ням. Strecke)

гарызантальная падземная горная вырабатка ўздоўж пласта карыснага выкапня.

штудзі́раваць

(ням. studieren, ад лац. studere = вучыцца, старанна займацца)

старанна вывучаць што-н.

штук

(ням. Stuck)

тое, што і стука.

шту́ка

(польск. sztuka, ад с.-в.-ням. stücke)

1) асобная рэч, прадмет з шэрагу аднародных;

2) рулон тканіны (напр. ш. палатна);

3) перан. выхадка, выбрык, незвычайны ўчынак.

штукава́ць

(польск. sztukować, ад ням. stücken)

1) закрываць, забіваць чым-н. адтуліну, дзірку;

2) перан. выдумляць, майстраваць, вынаходзіць што-н. (напр. ш. розныя цацкі).

шту́нда

(ням. Stunde)

евангелічна-баптысцкая секта, якая ўзнікла ў Расіі ў сярэдзіне 19 ст.