Verbum

сейсмі́чны

(ад сейсміка)

звязаны з землетрасеннямі; прызначаны для вывучэння ваганняў зямной паверхні.

сейсмо́граф

(ад сейсма- + -граф)

прыбор для аўтаматычнай рэгістрацыі ваганняў зямной паверхні.

сейсмо́лаг

(ад сейсмалогія)

спецыяліст у галіне сейсмалогіі.

сейсмо́метр

(ад сейсма- + -метр)

прыбор для вымярэння зрухаў пластоў глебы, частак збудаванняў пры ваганнях зямной кары.

сейф

(англ. safe = бяспечны, надзейны)

1) незгаральная металічная шафа для захоўвання сакрэтных папер, грошай, дакументаў;

2) памяшканне з такімі шафамі ў банках.

се́йшы

(фр. seiches)

стаячыя хвалі ў закрытых водных басейнах (азёрах, унутраных морах), калі адбываецца вагальны рух усёй масы вады, а паверхня вадаёма набывае ўхіл то ў адзін, то ў другі бок.

се́канд-хэнд

(англ. secondhand, ад second = другі + hand = рука)

1) ужываны, стары, паношаны (прадмет, кніга, рэч);

2) з другіх рук (інфармацыя, звесткі і г.д.).

се́канс

(лац. secans = сякучы)

мат. адна з трыганаметрычных функцый вугла, роўная ў прамавугольным трохвугольніку адносінам гіпатэнузы да катэта, які прылягае да гэтага вугла.

сека́тар

(фр. sécateur, ад лац. secare = рэзаць)

вялікія садовыя нажніцы, якімі абразаюць галінкі дрэў і кустоў.

секве́нцыя

(лац. sequentia = праходжанне)

1) паўтарэнне якога-н. музычнага матыву па ступенях гамы ўверх ці ўніз;

2) разнавіднасць сярэдневяковых каталіцкіх песнапенняў, якія першапачаткова ўваходзілі ў грыгарыянскі харал.