Verbum

крапла́к

(ням. Krapplack)

сумесь алюмініевых і кальцыевых солей алізарыну, з якой вырабляюць паліграфічныя і акварэльныя фарбы.

красака́лікс

(н.-лац. crossocalyx)

пячоначны мох сям. лафозіевых, які трапляецца на гнілой драўніне ў сырых лясах.

красво́рд

(англ. cross-word)

задача-гульня, у якой фігуру з перакрыжаванымі радамі клетак трэба запоўніць адзіна магчымымі словамі.

красінго́вер

(англ. crossingover)

абмен часткамі гамалагічных (парных) храмасом, які стварае ўмовы для ўтварэння новых камбінацый генаў у арганізмах.

красме́н

(англ. cross-man)

удзельнік кросу.

-крат

(гр. kratos = улада)

другая састаўная частка складаных слоў, якая адпавядае паняццю «валадар».

краталя́рыя

(н.-лац. crotalaria, ад гр. krotalon = бразгалка)

травяністая або кустовая расліна сям. бабовых, пашыраная ў тропіках і субтропіках; адзін з відаў вырошчваецца як прадзільная культура.

кратане́ўрум

(н.-лац. crotaneurum)

лістасцябловы мох сям. кратанеўравых, які расце ў ручаях, на балотах.

кратарэ́люс

(н.-лац. craterellus)

базідыяльны грыб сям. лісічкавых, які расце на глебе і лясным подсціле ў лісцевых і мяшаных лясах; ядомы.

крато́н​¹

(гр. kroton)

кустовая або дрэвавая расліна сям. малачаевых, пашыраная ў тропіках і субтропіках, з насення некаторых відаў атрымліваюць алей, які выкарыстоўваецца ў медыцыне.