Verbum

прае́кцыя

(лац. proiectio = кіданне наперад)

1) перадача прасторавых фігур на плоскасці;

2) павялічанае адлюстраванне чаго-н. на экране, атрыманае аптычным спосабам.

пражэ́кт

(фр. project, ад лац. proiectus = кінуты наперад)

непрыгодны, надуманы праект.

пражэ́ктар

(англ. projector, ад лац. proiectus = кінуты наперад)

асвятляльны прыбор, які пры дапамозе аптычнай сістэмы пасылае яркі пучок праменяў на далёкую адлегласць.

пражэкцёр

(фр. projecteur, ад лац. proiectus = кінуты наперад)

той, хто займаецца складаннем нязбытных, неабгрунтаваных праектаў.

пражэкцёрства

(ад пражэкцёр)

захапленне нездзяйсняльнымі праектамі.

празаі́зм

(ад проза)

слова або выраз у паэтычным творы з дзелавой, навуковай або гутарковай мовы.

праза́ік

(лац. prosaicus)

пісьменнік, які піша прозай, стварае празаічныя творы.

празеады́м

(лац. praseodymium, ад лац. prasios = светла-зялёны)

хімічны элемент, які належыць да лантаноідаў, выкарыстоўваецца для афарбоўкі шкла, фарфору, пры вырабе спецыяльных сартоў сталі.

празе́ктар

(лац. prosector = які рассякае)

1) урач патолагаанатам, які займаецца анатаміраваннем трупаў;

2) урач, які ўзначальвае празектуру.

празекту́ра

(лац. prosectura)

патолагаанатамічнае аддзяленне пры лячэбных або навучальных медыцынскіх установах.