Verbum

стэрэагра́ма

(ад стэрэа- + -грама)

пара стэрэаскапічных здымкаў, якія даюць аб’ёмны вобраз.

стэрэагра́фія

(ад стэрэа- + -графія)

перспектыўнае адлюстраванне геаметрычных цел на плоскасці.

стэрэаізаме́ры

(ад стэрэа- + ізамеры)

ізамеры з розным прасторавым размяшчэннем атамаў у малекулах.

стэрэаізамеры́я

(ад стэрэа- + ізамерыя)

ізамерыя, якая залежыць ад прасторавага размяшчэння атамаў у малекулах.

стэрэакампара́тар

(ад стэрэа- + кампаратар)

прыбор для вымярэння на аснове двух фотаздымкаў усіх трох каардынатаў пунктаў прадмета, а таксама элементаў узаемнага арыентавання пары фотаздымкаў у момант фатаграфавання.

стэрэакардыёграф

(ад стэрэа- + кардыёграф)

прыбор для даследавання сэрца, прасторавы кардыёграф.

стэрэака́ўлан

(н.-лац. stereocaulon)

кусцісты сумчаты лішайнік сям. стэрэакаўланавых, які расце на ўзлесках хвойных лясоў, часта на пяску, зрэдку на валунах сярод імхоў і іншых лішайнікаў.

стэрэакіно́

(ад стэрэа- + кіно)

разнавіднасць кінематаграфіі, што стварае ў гледача ўражанне аб’ёмнасці адлюстраваных на экране здымкаў.

стэрэаме́трыя

(ад стэрэа- + -метрыя)

раздзел элементарнай геаметрыі, які вывучае фігуры, што не ляжаць у адной плоскасці (параўн. планіметрыя).

стэрэамеха́ніка

(ад стэрэа- + механіка)

вучэнне аб дэфармацыях і напружаннях у дэталях канструкцый і машын пад знешнім уздзеяннем.