Verbum

калату́ша Размяклая гразь на дарозе, у бродзе (БРС). Тое ж баўту́ха (Слаўг.).

калдаба́н Калдобіна, яма; выбоіна на дарозе (БРС).

калдо́біна

1. Прыродная круглая ўпадзіна з вадой (Слаўг.). Тое ж калдоба, калду́жына (Азяр., Лёзн. Касп., Віц. Нік. 1895).

2. Яма на дарозе, выбітая коламі і запоўненая вадой (БРС). Тое ж калдаві́на (Беш. Касп.), калдоба (Азяр. Касп., Віц. Нік. 1895, Стол.), калду́жына (Лёзн. Касп.), каловіна (Мін.).

3. Яма, рыцвіна, вымытая вадой (Нас.); глыбокая яма ў вадзе (БРС). Тое ж калдобніна (Палессе Талст.).

калдо́ўбіна Прырэчная яма на лузе, круглая ўпадзіна, дзе падоўгу або заўсёды стаіць вада (Касц., Краснап. Бяльк., Слаўг.).

калдыба́

1. Цвёрды выступ каля паглыблення на разбітай або мёрзлай дарозе (Слаўг.).

2. Няроўнае ворыва з ямкамі і выступамі (Слаўг.).

кале́ктар

1. Дрэнажная канава на асушаным балоце для стоку вады (БРС).

2. Дзялянка, квартал паміж канавамі асушанага балота (Ст.-дар.).

□ ур. Першы калектар Стаўбц.

кале́на Круты паварот ракі, дарогі (Рэч., Слаўг.).

каленіца Зольны (паташны) завод, дзе перапальваецца (каліцца) попел для канатнага завода (Крыч. Меер, 1786, 100). Тое ж пата́шня (Ст.-бел.). Параўн.: Кале́нчанка (прозвішча на Слаўг.).

калі́ннік Зараснік каліны Viburnum opulus L. (БРС). Тое ж каліна (БРС).

кало́вішча Гразкае месца (Стол.).

□ ур. Каловішча каля в. Кароцічы Стол.