Verbum

наўю́чваць, ‑аю, ‑аеш, ‑ае.

Незак. да наўючыць.

наўю́чыцца, ‑чуся, ‑чышся, ‑чыцца; зак.

Разм. Нагрузіць сябе чым‑н. Наўючыцца клункамі.

наўю́чыць, ‑чу, ‑чыш, ‑чыць; зак., каго.

Нагрузіць уюкамі. Наўючыць вярблюдаў.

наўязджа́ць, ‑ае; зак.

Уехаць, заехаць куды‑н. у вялікай колькасці.

нафабрыкава́ны, ‑ая, ‑ае.

Дзеепрым. зал. пр. ад нафабрыкаваць.

нафабрыкава́ць, ‑кую, ‑куеш, ‑куе; зак., што і чаго.

Разм. Фабрыкуючы, прыгатаваць у якой‑н. колькасці.

нафантазі́раваць, ‑рую, ‑руеш, ‑руе; зак., што і чаго.

Разм. Фантазіруючы, навыдумляць, напрыдумваць.

нафарбава́ны і нафарбо́ваны, ‑ая, ‑ае.

Дзеепрым. зал. пр. ад нафарбаваць.

нафарбава́цца, ‑буюся, ‑буешся, ‑буецца; зак.

Разм. Намазаць сабе губы, шчокі, бровы і інш. касметычнай фарбай.

нафарбава́ць, ‑бую, ‑буеш, ‑буе; зак.

1. што. Намазаць касметычнай фарбай губы, шчокі і інш.

2. чаго. Выфарбаваць, афарбаваць якую‑н. колькасць чаго‑н.