нама́зацца, ‑мажуся, ‑мажашся, ‑мажацца; зак.
1. Намазаць сябе чым‑н. ліпучым, вадкім, густым. Намазацца шкіпінарам.
2. Разм. Намазаць сабе касметычнымі сродкамі губы, твар. Намазацца крэмам.
нама́заць, ‑мажу, ‑мажаш, ‑мажа; зак.
1. каго-што. Пакрыць слоем чаго‑н. ліпучага, вадкага, густога. Намазаць хлеб маслам. □ Алік намазаў мёдам лусту хлеба, узяў касу і кошык і выйшаў са двара. Шашкоў. Увечары [Іван] намазаў дзёгцем юхт[о]выя боты, апрануў паддзёўку і пайшоў. Быкаў.
2. каго-што. Разм. Пакрыць слоем касметычных сродкаў. Намазаць губы. Намазаць шчокі.
3. Разм. Напэцкаць на чым‑н. Намазаць на стале.
4. што і без дап. Разм. Дрэнна, няўмела напісаць, намаляваць і пад.
5. што. Падмазаць чым‑н. Тлуста, не шкадуючы, [Рахмілька] намазаў калёсы. Бядуля.
нама́званне, ‑я, н.
Дзеянне паводле знач. дзеясл. намазваць.
нама́звацца, ‑аюся, ‑аешся, ‑аецца; незак.
1. Незак. да намазацца.
2. Зал. да намазваць.
нама́зваць, ‑аю, ‑аеш, ‑ае.
Незак. да намазаць (у 1, 2 і 5 знач.).
нама́зка, ‑і, ДМ ‑зцы, ж.
1. Дзеянне паводле дзеясл. намазаць (у 1, 5 знач.).
2. Спец. Тое, што намазана на чым‑н.
намазо́лены, ‑ая, ‑ае.
Дзеепрым. зал. пр. ад намазоліць.
намазо́ліць, ‑лю, ‑ліш, ‑ліць; зак., што.
Нацерці да мазалёў. Намазоліць далоні. Намазоліць пальцы.
намазо́льваць, ‑аю, ‑аеш, ‑ае.
Незак. да намазоліць.
намайстрава́ць, ‑рую, ‑руеш, ‑руе; зак., што і чаго.
Зрабіць, вырабіць пэўную колькасць чаго‑н. звычайна ручным спосабам. Намайстраваць грабель.