Verbum

бі́ржа, ✂, ж.

1. Установа для заключэння фінансавых, камерцыйных здзелак.

   • Валютная б.
   • Таварная б.

2. Склад лесаматэрыялаў, драўніннай сыравіны (спец.).

3. Вулічная стаянка рамізнікаў (уст.).

○

• Біржа працы — дзяржаўная пасрэдніцкая ўстанова па найму рабочай сілы.

|| прым. біржавы, ✂.

біржаві́к, ✂, м.

Біржавы дзялок.

бі́рка, ✂, ж.

1. Невялікая дошчачка або кавалак кардону з надпісам (на таварах, на багажы і пад.).

   • Б. на чамадане.

2. Палачка або дошчачка, на якой нарэзамі вёўся ўлік чаго-н. (уст.).

3. перан. Характарыстыка (звычайна адмоўная), якая даецца каму-н. па шаблону.

|| прым. бірачны, ✂.

біруза́, ✂, ж.

Каштоўны камень, непразрысты, блакітнага або зеленаватага колеру.

|| прым. бірузовы, ✂.

• Б. пярсцёнак.
• Бірузовыя хвалі (колерам падобныя на бірузу).

біру́лька, ✂, ж.

1. Падвеска на ланцужку кішэннага гадзінніка, бранзалета і пад. як упрыгожанне.

2. толькі мн. Гульня, якая заключаецца ў тым, каб з кучкі маленькіх точаных фігурак з дрэва (бірулек) дастаць адну за адной, не зварухнуўшы астатніх.

◊

• Гуляць у бірулькі (разм. неадабр.) — займацца пустымі справамі, марна траціць час.