Verbum

ляжанка, ✂, ж.

1. Шырокі выступ печы, грубкі для ляжання.

2. Месца, прыстасаванае для ляжання.

|| прым. ляжаначны, ✂ і ляжанкавы, ✂.

ляжацца, ✂; безас.; незак. (разм.).

Пра наяўнасць жадання ці магчымасці ляжаць.

• Нешта яму не ляжыцца.

ляжаць, ✂; незак.

1. Знаходзіцца ўсім целам на чым-н. у гарызантальным становішчы.

   • Л. на зямлі.

2. Быць хворым, знаходзіцца ў пасцелі.

   • Л. у непрытомнасці.

3. Аб прадметах: знаходзіцца на паверхні ў нерухомым стане (бакавой часткай, гарызантальна).

   • Кнігі ляжаць на стале.

4. Знаходзіцца, быць, захоўвацца, змяшчацца.

   • Грошы ляжаць у кішэні.

5. Размяшчацца дзе-н., мець напрамак куды-н.

   • Наўкола ляжаць калгасныя палі.
   • Шлях ляжыць на ўсход.

6. перан. Быць чыім-н. абавязкам.

   • На бацьку ляжаць усе клопаты пра сям’ю.

◊

• Душа (сэрца) не ляжыць да каго-чаго (разм.) — няма цікавасці, прыхільнасці да каго-, чаго-н.

• Лежма ляжаць (разм.) — доўга ляжаць.

• Ляжаць аблогай — пра няворанае, удзірванелае поле.

• Ляжаць пад сукном (разм.) — заставацца без разгляду, без рэагавання (пра заявы, скаргі).

• Ляжаць у руінах — быць разбураным.

|| наз. ляжанне, ✂ і лежня, ✂.

ляжка, ✂, ж. (разм.).

Мускульнае пакрыццё сцегнавой косці, сцягно.

|| прым. ляжачны, ✂.

ляжнёўка, ✂, ж. (спец.).

Дарога з насланага бярвення.

|| прым. ляжнёвачны, ✂.

лязо, ✂, н.

1. Востры край рэжучай ці сякучай прылады.

   • Л. сякеры, брытвы.

2. Тонкая стальная пласцінка для брыцця з двума завостранымі краямі.

|| прым. лязовы, ✂.

ляйцаць, ✂; незак.

Прывязваць лейцы да аброці пры запраганні каня.

|| наз. ляйцанне, ✂.

лякала, ✂, н.

1. Фігурная лінейка для вычэрчвання крывых ліній.

2. У тэхніцы: кантрольна-вымяральны інструмент для праверкі вырабаў крывалінейнага профілю.

лякальшчык, ✂, м.

Рабочы, спецыяліст па вырабу лякал (у 2 знач.).

|| ж. лякальшчыца, ✂.

|| прым. лякальшчыцкі, ✂.

лякарства, ✂, н.

Медыцынскі сродак для лячэння ці папярэджвання хваробы.

|| прым. лякарствавы, ✂.

• Лякарствавыя формы (формы, якія надаюць лекавым прэпаратам: вадкія, цвёрдыя, мяккія, азразольныя; спецыяльны тэрмін).