Verbum

мерацца, ✂; незак.

Параўноўваць сябе з кім-, чым-н. у якіх-н. адносінах.

• М. сілаю.
• М. ростам з кім-н.

|| зак. памерацца, ✂.

мераць, ✂; незак.

1. Вызначыць велічыню, колькасць чаго-н. пры дапамозе якой-н. меры.

   • М тэмпературу.
   • М. пакой.

2. Надзяваць што-н. для прымеркі.

   • М. чаравікі.

3. перан. Хадзіць, рухацца па якой-н. прасторы ўзад і ўперад або ў адным напрамку (разм.).

   • М. гарадскі брук.

|| зак. памераць, ✂.

мерзлата, ✂, ж.

Стан глебы, якая змяшчае ў сабе лёд.

• Вечная м.

|| прым. мярзлотны, ✂.

• Мярзлотная станцыя.

мерзлатазнаўства, ✂, н.

Навука пра мёрзлыя тоўшчы ў зямной кары і пра мерзлыя горныя пароды.

|| прым. мерзлатазнаўчы, ✂.

мерзлы, ✂.

Тое, што і мёрзлы.

|| наз. мерзласць, ✂.

мерзнуць, ✂; незак.

1. Рабіцца вельмі халодным, калець, дубянець.

2. Гінуць ад марозу, вымярзаць.

|| зак. змерзнуць, ✂.

мерка, ✂, ж.

1. Пэўны размер.

   • Зняць мерку.

2. Прадмет, які служыць мераю пры вымярэнні чаго-н.

   • Мераць усіх адной меркай (перан. падыходзіць да ўсіх і да ўсяго аднолькава, не ўлічваючы асаблівасцей кожнага).

меркаванне, ✂, н.

1. Думка, погляд.

   • Слушнае м.

2. Разлік, дапушчэнне.

меркавацца, ✂; незак.

1. Намячацца.

   • Гэты будынак мяркуецца пад знос.

2. Жыць у згодзе, мірыцца.

   • Трэба м., жывучы ў адной хаце.

3. Раіцца.

   • М. з маці.

меркаваць, ✂; незак.

1. што і з дадан. сказам. Гаварыць, разважаць, абмяркоўваць што-н.

   • М., як жыць далей.

2. Рабіць якія-н. вывады, дапушчэнні.

   • М. па-свойму.

3. што і з інф. Мець намер, план.

   • М. паехаць у вёску.

4. пра каго-што і аб кім-чым. Ацэньваць якім-н. чынам, рабіць заключэнне.

   • М. аб чалавеку.