Verbum

мед...

Першая састаўная частка складаных слоў са знач. медыцынскі, напр.: медагляд, медбрат, меддапамога, медслужба.

медава́р, -а, мн. -ы, -аў, м.

Спецыяліст, які займаецца мёдаварэннем.

медава́рня, -і, мн. -і, -рань і -рняў, ж.

Памяшканне са спецыяльным абсталяваннем для варэння мёду (у 2 знач.).

|| прым. медава́рны, -ая, -ае.

медаву́ха, -і, ДМ -ву́се, ж. (разм.).

Лёгкі хмельны напітак з мёду.

медаго́нка, -і, ДМ -нцы, мн. -і, -нак, ж.

Машына для адпампоўвання мёду з сотаў.

медазбо́р, -у, м.

1. Збор пчоламі нектару з кветак і час такога збору.

2. Мёд, сабраны пчоламі.

Багаты м.

|| прым. медазбо́рны, -ая, -ае.

медалі́ст, -а, М -лі́сце, мн. -ы, -аў, м.

Той, хто атрымаў медаль у якасці ўзнагароды за што-н.

|| ж. медалі́стка, -і, ДМ -тцы, мн. -і, -так.

|| прым. медалі́сцкі, -ая, -ае.

меда́ль, -я́, мн. -і́, -ёў, м.

Знак у выглядзе круглай металічнай пласцінкі з якім-н. рэльефным адбіткам і надпісам, што выдаецца як узнагарода або ў памяць аб якой-н. падзеі.

М.

Францыска Скарыны.

Залаты м.

Памятны м.

◊

Адваротны бок медаля — адмоўны бок якой-н. справы.

|| прым. меда́льны, -ая, -ае.

медалье́р, -а, мн. -ы, -аў, м.

Мастак, які вырабляе формы для адліўкі і чаканкі манет і медалёў.

|| прым. медалье́рскі, -ая, -ае.

медалье́рны, -ая, -ае.

Які мае адносіны да працы медальера.

Медальернае мастацтва.