Verbum

трансазо́нд

[ад транс- + а(кіян) + зонд]

поліэтыленавы паветраны шар з самапіснымі прыладамі для гарызантальнага зандзіравання атмасферы.

трансакія́нскі

(ад транс- + акіян)

які перасякае акіян (напр. т. параход, т-ая кабельная лінія сувязі).

транса́кцыя

(лац. transactio = здзелка)

1) дагавор (палітычны, юрыдычны), які суправаджаецца ўзаемнымі ўступкамі;

2) банкаўская аперацыя, перавод грашовых сродкаў (у т.л. за мяжу) для якіх-н. мэт.

трансаркты́чны

(ад транс + арктычны)

звязаны са зносінамі цераз арктычную вобласць.

трансбо́рдэр

(англ. transborder)

прыстасаванне для перамяшчэння сродкаў рэйкавага транспарту з адной каляі на другую, паралельную ёй.

трансверса́ль

(фр. transversal, ад лац. transversus = папярочны)

прамая, якая перасякае стораны трохвугольніка і іх працяг.

трансве́рсія

(ад лац. transversus = павернуты ўбок)

мутацыя, абумоўленая заменай пурынавай асновы (адэін, гуанін) на пірымідынавую (тымін, цытазін) і наадварот.

трансгрэ́сія

(лац. transgressio)

1) геал. наступленне мора на сушу (параўн. рэгрэсія 1);

2) біял. з’яўленне пры скрыжоўванні ў другім або наступным пакаленнях такіх асобін, у якіх пэўная прыкмета выражана мацней, чым у бацькоўскіх формаў.

трансду́кцыя

(лац. transductio = перамяшчэнне)

перанясенне спадчыннага матэрыялу ад аднаго мікраарганізма да другога пры дапамозе бактэрыяфага або актынафага.

трансе́кта

(ад лац. trans = праз + sectio = сячэнне)

вузкая доўгая пляцоўка, на якой вывучаюць колькасныя характарыстыкі відаў і іх змены.