Verbum

фераты́пія

(ад фера- + -тыпія)

спосаб утварэння фатаграфічных адбіткаў на метале (брошцы, медальёне і інш.).

фератыта́н

(ад фера- + тытан)

сплаў жалеза з тытанам, які выкарыстоўваецца пры легіраванні (гл. легіраваць) спецыяльных сталей, для выдалення са сталі кіслароду і азоту.

ферафо́сфар

(ад фера- + фосфар)

сплаў жалеза з фосфарам, які выкарыстоўваецца як дамешак пры легіраванні (гл. легіраваць) сталі і чыгуну.

ферахро́м

(ад фера- + хром)

сплаў жалеза з хромам, які выкарыстоўваецца пры легіраванні (гл. легіраваць) высокаякаснай сталі і гарачаўстойлівых сплаваў.

ферашпіне́лі

(ад фера- + шпінелі)

ферыты з крышталічнай структурай мінералу шпінелі.

фераэле́ктрыкі

(ад фера- + электрык)

назва сегнетаэлектрыкаў у англамоўнай літаратуры.

фергусані́т

[ад англ. Ferguson = прозвішча амер. хіміка (1750—1774)]

мінерал, складаны вокісел ніобію, танталу, тытану, ітрыевых рэдкіх зямель цёмна-бурага або чорнага колеру.

фе́рзь

(перс. ferz = палкаводзец)

самая моцная фігура ў шахматнай гульні.

фе́рма​¹

(англ. farm, фр. ferme)

1) прыватнае сельскагаспадарчае прадпрыемства на ўласнай або арандаванай зямлі;

2) дзяржаўнае або кааператыўнае прадпрыемства, занятае жывёлагадоўляй (напр. жывёлагадоўчая ф., малочная ф.).

фе́рма​²

(фр. ferme)

канструкцыя са злучаных паміж сабой металічных, жалезабетонных ці драўляных брусоў (напр. ф. маста моста).