Verbum

тры́ер

(фр. trieur)

машына для ачысткі і сарціроўкі насення.

трые́ра

(гр. trieres)

ваенны карабель з трыма радамі вёслаў, размешчаных адно над другім, у старажытных грэкаў (параўн. трырэма).

трыёд

(гр. triodos = трохдарожжа)

электронная лямпа з трыма электродамі.

трыёдзь

(ад гр. tri = трох + ode = песня)

хрысціянская богаслужэбная кніга, у якой змешчаны трохпесенныя каноны.

трыёдмета́н

(ад трыёд + метан)

тое, што і ёдаформ.

трыёль

(ням. Triole, ад іт. trio = трыо)

трохдольная рытмічная фігура ў музыцы двухдольнага размеру, група з трох нот, роўная па працягласці дзвюм звычайным нотам таго ж напісання.

трызм

(гр. tnsmos = скрыгатанне)

сутаргавае сцісканне сківіц, якое ўзнікае пры эпілепсіі, менінгіце і іншых хваробах цэнтральнай нервовай сістэмы.

трыката́ж

(фр. tricotage)

тканіна машыннай вязкі, а таксама вырабы з яе.

трыкаці́н

(фр. tricotine)

тканіна, якая сваім вырабам нагадвае трыкатаж.

трыкла́дый

(н.-лац. tricladium)

недасканалы грыб сям. маніліевых, які развіваецца ў чыстай прэснай вадзе на гнілым лісці пераважна дрэвава-кустовых парод, радзей на іншым раслінным субстраце.