Verbum

трансфармава́ць

(лац. transfotmare)

пераўтвараць, відазмяняць што-н.

трансфарма́тар

(ад лац. transformare = пераўтвараць)

1) апарат для змянення напружання электрычнага току;

2) артыст, які папераменна выконвае некалькі роляў, хутка змяняючы свой знешні выгляд;

3) фокуснік, які стварае ілюзію пераўтварэння адных рэчаў у іншыя; ілюзіяніст (гл. ілюзіянізм 2).

трансфарма́цыя

(лац. transformatio)

1) пераўтварэнне віду, формы, асаблівасцей чаго-н. (напр. т. мастацкіх вобразаў);

2) біял. перанясенне спадчыннай інфармацыі з клеткі аднаго генатыпу ў клетку іншага;

3) сцэнічны прыём, які заключаецца ў хуткай змене артыстам (трансфарматарам 2) сваёй знешнасці;

4) змяненне напружання электрычнага току пры дапамозе трансфарматара 1.

трансфармі́зм

(ад лац. transformis = пераўтвораны)

біял. сістэма ўяўленняў аб змяненні і пераўтварэнні арганічных форм, паходжанні адных арганізмаў ад другіх, якая папярэднічала дарвінізму.

трансфера́зы

(ад лац. transferre = пераносіць, пераводзіць)

група ферментаў, пад уплывам якіх адбываюцца рэакцыі ўнутрымалекулярнага і міжмалекулярнага пераносу атамаў або груп атамаў у арганізме чалавека, жывёл і раслін.

трансферка́р

(англ. transfercar)

самаразгружальны электраматорны вагон, які выкарыстоўваецца на металургічных заводах для падачы руды і коксу да доменных печаў.

трансфе́рт

(фр. transfert, ад лац. transferre = пераносіць, пераводзіць)

1) фін. перавод замежнай валюты або перадача золата з адной краіны ў другую;

2) юр. перадача права ўладання імяннымі каштоўнымі паперамі (акцыямі) адной асобы другой, якая ажыццяўляецца, як правіла, з дапамогай індасамента;

3) абмен насельніцтвам паміж дзяржавамі на падставе міжнароднага пагаднення, аўтаматычнае змяненне грамадзянства.

трансферы́ны

(ад лац. transferre = пераносіць, пераводзіць)

складаныя бялкі (глікапратэіды), якія пераносяць іоны трохвалентнага жалеза ў арганізме; змяшчаюцца ў плазме крыві, малацэ і яечным бялку.

трансфіні́тны

(ад транс- + фінітны)

мат. які знаходзіцца за межамі канечнага.

трансфлю́ксар

(ад лац. transfluere = працякаць, выцякаць)

элемент памяці электронна-вылічальных машын, што працуе па прынцыпу пераразмеркавання магнітных патокаў.