прахо́д Месца, па якому пераходзяць; перашыек (Сал.); бойкае месца (Слаўг.).
□ ур. Праход (сенажатны перашыек) каля в. Яскавічы Сал.
прая́ва Глыбакаводная яма (Жытк., Стол.).
про́вар Вінакурны завод (Грыг. 1838—1840).
про́варышча Месца, дзе быў провар (Віц. Рам. Мат.).
□ в. Проварышча і ўр. Проварышча Віц. (Рам. Мат.).
про́галь Прагаліна, прастора, водступ паміж чым-небудзь (Слаўг.). Тое ж га́лвінка, прогалішча (Слаўг.).
про́каўзень Агрэх пры разорванні радка бульбы (Слаўг.).
про́лубка
1. Глыбокае месца; бездань, прорва (Слаўг.); багністае і глыбокае месца ў рэчцы (Лёзн., Слаўг.); правал (Мсцісл. Юрч.). Тое ж проламка (Смал.), пролабка (Мсцісл. Юрч.), пролыбка (Слаўг., Смален. Дабр).
2. Палонка ў лёдзе на рацэ (Віц. Нік. 1895, Бял. Матэр., Грыг. 1838—1840, Зах. Бел. Др.-Падб., Мсцісл. Бяльк., Сен. Касп., Слаўг.). Тое ж проламка (БРС), пролабка (Мсцісл. Юрч.), праломка (Навагр. XIX ст. КПЖ, 38), проруб, прорубка (Слаўг.), палонка (Кам., Стол.).
про́пасць
1. Глыбокае месца на балоце, у рацэ; бяздонне (Нясв., Рэч., Слаўг., Стол., Шчуч.).
2. Глухое месца (Слаўг.).
□ р. Пропасць (цяпер р. Проня) Слаўг. (1627 Книга Большому чертежу; 1560 Археагр. т. 3, 1867, 267).
про́паш Узараная зямля, ралля (Стаўбц. Прышч.).
□ ур. Пропашы (поле) Стаўбц. (Прышч.).
про́пуск
1. Месца, дзе раку можна перайсці ўброд (Слаўг.).
2. Агрэх пры разорванні радка бульбы (Слаўг.).
□ ур. Пропуск (брод цераз р. Проню) каля в. Красная Слабада Слаўг.