Verbum

паўзбало́цце Месца ўздоўж балота (Слаўг.). Тое ж паўзболацце (Слаўг.).

паўзбе́ражжа Месца ўздоўж берага ракі, поля лесу, лугу (Слаўг.). Тое ж паўзкра́ечча, паўзбярэжжа, па́ўзберажжа, па́ўзберазенне, па́ўзбе́ражанішча (Слаўг.).

паўзбо́чча Месца на схіле канавы, узгорка (Слаўг.).

паўзва́лле Ніжняя адхонная частка гары, узгорка ў выглядзе ўступаў; падэшва гары (Слаўг.).

паўзго́р'е Перадгор'е, схіл гары ў выглядзе ўступаў, наплываў; частка схілу гары ніжэй вяршыні і вышэй узвалля (Слаўг.).

паўзграні́чча Месца паабапал мяжы і ўздоўж яе (Слаўг.). Тое ж паўзме́жжа (Слаўг.).

паўзгу́мні́чча Месца вакол гумна; за агародамі (Слаўг.).

паўздаро́жжа Месца, паласа ўздоўж дарогі (Слаўг.). Тое ж пры́даражжа, пры́дараж, прыдарожжа (Слаўг.).

□ ф-к Прыдарожжа (Віц. К. 1851).

паўзкана́вічча Месца паабапал ці каля канавы (Слаўг.). Тое ж пры́кана́вічча, прыкана́вінне, паўзкана́вічышча, паўзкана́вішча (Слаўг.).

паўзле́ссе Месца ўздоўж лесу (Слаўг.). Тое ж поўзлессе, паўзле́сішча (Слаўг.).