вы́гадны, ‑ая, ‑ае.
1. Які дае выгаду, прыбытак, прыносіць карысць. Выгадны спосаб вядзення гаспадаркі. Выгаднае пагадненне.
2. Які мае перавагу; зручны, спрыяльны, добры. Выгаднае становішча. □ Месца для купання.. [хлопцы], на іх думку, выбралі самае выгаднае. Чарнышэвіч.
выгадо́ўваць, ‑аю, ‑аеш, ‑ае.
Незак. да выгадаваць.
вы́гайсаць, ‑аю, ‑аеш, ‑ае; зак., што.
Разм. Гайсаючы, пабыць у многіх месцах.
вы́галадацца, ‑аюся, ‑аешся, ‑аецца; зак.
Захацець есці, прагаладацца. [Хлопцы] так выгаладаліся, што як бач апаражнілі міску салодкай кашы і да крошкі з’елі духмяны, прыпраўлены кменам хлеб. Корзун.
вы́галены, ‑ая, ‑ае.
Дзеепрым. зал. пр. ад выгаліць.
вы́галець, ‑ее; зак.
Стаць пустым, голым. Мне здалося, што адразу, як.. [Марылька] пабегла, усё навокал выгалела, апусцела. Сабаленка.
вы́галіцца, ‑люся, ‑лішся, ‑ліцца; зак.
Збрыць на сваім твары валасы, выбрыцца.
вы́галіць, ‑лю, ‑ліш, ‑ліць; зак., каго-што.
Зрэзаць брытвай валасы на чым‑н.; выбрыць.
вы́ган, ‑у, м.
1. Дзеянне паводле дзеясл. выганяць — выгнаць (у 1 знач.).
2. Месца каля вёскі, дзе пасецца жывёла, птушка. Тамаш перавёў позірк на выган, там Лукаш пасвіў кароў, якія разбрыліся па пашы. Гурскі. // Палоса зямлі для прагону жывёлы на пашу. Гнаць каровы на папас праз выган. □ Зялёным выганам-дарогай Пад берасцяны гул трубы Пляцецца статак крутарогіх. Танк.
вы́ганачны, ‑ая, ‑ае.
Спец. Прызначаны для паскоранага росту раслін. Выганачная цяпліца.