высма́жвацца, ‑аецца; незак.
1. Незак. да высмажыцца.
2. Зал. да высмажваць.
высма́жваць, ‑аю, ‑аеш, ‑ае.
Незак. да высмажыць.
вы́смажыцца, ‑жыцца; зак.
Добра ўсмажыцца; выскварыцца.
вы́смажыць, ‑жу, ‑жыш, ‑жыць; зак., што.
Добра ўсмажыць; выскварыць. Высмажыць сала.
вы́смактаны, ‑ая, ‑ае.
Дзеепрым. зал. пр. ад высмактаць.
вы́смактаць, ‑кчу, ‑кчаш, ‑кча; зак., што.
Смокчучы, выцягнуць якую‑н. вадкасць, вільгаць і пад.; выссаць. Высмактаць сок з яблыка. // Разм. Выцягнуць якую‑н. вадкасць помпай або якім‑н. іншым прыстасаваннем. Агонь высмактаў газу з лямпы. // Разм. Прагна выпіць усё. [Настуля:] — Сам гарэлку высмактаў, а чалавека частаваць няма чым. Чарнышэвіч.
•••
Высмактаць (усе, апошнія) сокі (кроў, сілы) з каго-чаго — знясіліць, замарыць.
Высмактаць з пальца — тое, што і выссаць з пальца (гл. выссаць).
вы́смалены 1, ‑ая, ‑ае.
Дзеепрым. зал. пр. ад высмаліць 1.
вы́смалены 2, ‑ая, ‑ае.
Дзеепрым. зал. пр. ад высмаліць 2.
вы́смаліцца 1, ‑ліцца; зак.
Прасякнуць смалою; прасмаліцца.
вы́смаліцца 2, ‑ліцца; зак.
Разм. Выгараць ад сонца, агню і пад.
вы́смаліць 1, ‑лю, ‑ліш, ‑ліць; зак., што.
Абмазаць што‑н. смалою; прасмаліць. Высмаліць дно лодкі. Высмаліць шпалы.
вы́смаліць 2, ‑лю, ‑ліш, ‑ліць; зак., што.
Разм. Знішчыць агнём, сонцам і пад.; выпаліць. Пажар высмаліў лес. Спёка высмаліла траву на паплавах.
высма́львацца, ‑аецца; незак.
Зал. да высмальваць.