Verbum

вы́рыжаць, ‑ае; зак.

Разм. Ад моцнага ўздзеяння сонца стаць рыжым. Пільчак быў простага суконца, І той весь вырыжаў ад сонца. Колас.

вырына́ць, ‑аю, ‑аеш, ‑ае.

Незак. да вырынуць.

вы́рынуць, ‑ну, ‑неш, ‑не; зак.

Абл. Нечакана з’явіцца. Як з-пад зямлі, ..[капітан Гулявіцкі] вырынуў з глыбокай траншэі. Сабаленка.

вы́рыс, ‑а, м.

Абрыс, контур. Новае будоўлі вырыс Яго за небакрай вядзе ізноў. Гаўрусёў. Вырысы скал-малахітаў Пакрыты маўклівай тайгой. Хведаровіч.

вы́рысаваны, ‑ая, ‑ае.

Дзеепрым. зал. пр. ад вырысаваць.

вы́рысавацца, ‑суецца; зак.

Ясна і выразна вызначыцца. Нечакана на даляглядзе вырысавалася доўгая лінія металічных ферм. Гамолка.

вы́рысаваць, ‑сую, ‑суеш, ‑суе; зак., што.

Старанна і акуратна нарысаваць што‑н. пяром, карандашом.

вырысо́ўвацца, ‑аецца; незак.

1. Незак. да вырысавацца.

2. Зал. да вырысоўваць.

вырысо́ўваць, ‑аю, ‑аеш, ‑ае.

Незак. да вырысаваць.

вы́рыты, ‑ая, ‑ае.

Дзеепрым. зал. пр. ад вырыць.