вы́слізганы, ‑ая, ‑ае.
1. Дзеепрым. зал. пр. ад выслізгаць.
2. у знач. прым. Гладкі, выгладжаны да бляску. Востра паблісквала выслізганая падкова. Лынькоў. Калі пачало развідняцца, выслізганыя гусеніцы, ляскочучы, лічылі апошнія кіламетры магістраль. Мележ.
вы́слізгацца, ‑аецца; зак.
Стаць слізкім, коўзкім, гладкім, выгладжаным да бляску. Пас .. выслізгаўся, блішчыць на сонцы. Пташнікаў.
вы́слізгаць, ‑аю, ‑аеш, ‑ае; зак., што.
Зрабіць слізкім, коўзкім; выкаўзаць. Выслізгаць брук. Выслізгаць сцежку.
выслі́згвацца 1, ‑аюся, ‑аешся, ‑аецца.
Незак. да выслізнуцца.
выслі́згвацца 2, ‑аецца; незак.
1. Незак. да выслізгацца.
2. Зал. да выслізгваць 2.
выслі́згваць 1, ‑аю, ‑аеш, ‑ае.
Незак. да выслізнуць.
выслі́згваць 2, ‑аю, ‑аеш, ‑ае.
Незак. да выслізгаць.
вы́слізнуцца, ‑нуся, ‑нешся, ‑нецца; зак.
Слізгануўшыся, выпасці, вырвацца. Шост выслізнуўся з рук. □ Брыгадзір, вёрткі і сухарлявы мужчына, лоўка .. выслізнуўся з абдымкаў дырэктара і адгарадзіўся ад яго доўгімі далонямі. Б. Стральцоў.
вы́слізнуць, ‑ну, ‑неш, ‑не; зак.
1. Слізгануўшы, выпасці, вырвацца. Рыба выслізнула з рук.
2. перан. Разм. Хутка і непрыкметна выйсці, уцячы адкуль‑н. Ціхенька, каб [мама] не заўважыла, дзяўчынка выслізнула за дзверы і выбегла на вуліцу. Арабей. [Камандуючы:] — Закрывайце ўсе шляхі адыходу ворагу, забіце, зашпаклюйце апошнія шчыліны, праз якія ён можа выслізнуць. Мележ.
высло́ўе, ‑я, н.
Глыбокая па зместу думка, выказаная невялікай колькасцю слоў. Гавораць, чалавека стварыла праца. Звужаючы гэта выслоўе, каб дапасаваць яго да мастацтва, можна сцвярджаць, што чалавек працаю стварае свой талент. Лужанін.
вы́слуга, ‑і, ДМ ‑слузе, ж.
Пэўны тэрмін знаходжання на службе. Падлічыць выслугу год для вызначэння пенсіі.
выслуго́ўвацца, ‑аецца; незак.
Разм. Тое, што і выслугоўваць.