Verbum

дакупа́цца, ‑аюся, ‑аешся, ‑аецца; зак.

1. Скончыць купацца.

2. Разм. Купаннем давесці сябе да непрыемных вынікаў. Дакупацца да дрыжыкаў.

дакупа́ць, ‑аю, ‑аеш, ‑ае; зак., каго.

Скончыць купанне каго‑н. Дакупаць дзіця.

даку́пваць, ‑аю, ‑аеш, ‑ае.

Незак. да дакупаць.

дакупі́цца, ‑куплюся, ‑купішся, ‑купіцца; зак., чаго (часцей з адмоўем).

Купіць што‑н. з цяжкасцю, па высокай цане. Галеча на вёсцы абвастрылася. У .. лясным краі сяляне сядзелі без дроў: нельга было дакупіцца. Машара.

дакупі́ць, ‑куплю, ‑купіш, ‑купіць; зак., каго-што і чаго.

Купіць у дадатак да таго, што куплена раней; прыкупіць. Дакупіць племянной жывёлы. □ Міхал Тварыцкі к гэтаму часу меў ужо аўчыны. Праўда, адной не хапала, прыйшлося тэрміновым парадкам дакупіць. Чорны.

даку́плівацца, ‑аецца; незак.

Зал. да дакупліваць.

даку́пліваць, ‑аю, ‑аеш, ‑ае.

Незак. да дакупіць.

дакупля́цца, ‑яецца; незак.

Зал. да дакупляць.

дакупля́ць, ‑яю, ‑яеш, ‑яе.

Незак. да дакупіць.

даку́рвацца, ‑аецца; незак.

1. Незак. да дакурыцца.

2. Зал. да дакурваць.