Verbum

вы́скварыцца, ‑рыцца; зак.

Вылучыць тлушч награваннем на агні (пра сала).

вы́скварыць, ‑ру, ‑рыш, ‑рыць; зак., што.

Смажаннем вылучыць тлушч з сала.

вы́склюдаваны, ‑ая, ‑ае.

Дзеепрым. зал. пр. ад высклюдаваць.

вы́склюдаваць, ‑дую, ‑дуеш, ‑дуе; зак., што.

Склюдам выраўняць, абчасаць няроўнасці бервяна, дошкі і пад. Зруб яму, як звон, вычасалі і высклюдавалі. Вітка.

выско́кваць, ‑аю, ‑аеш, ‑ае.

Незак. да выскачыць.

вы́скрабак, ‑бка, м.

Разм. Маленькая булачка хлеба, спечаная з рэштак цеста; паскрэбак. // перан. Найменшае, апошняе дзіця ў сям’і.

выскраба́нне, ‑я, н.

Дзеянне паводле знач. дзеясл. выскрабаць — выскрабці, выскрабацца — выскрабціся.

выскраба́цца, ‑аюся, ‑аешся, ‑аецца; незак.

1. Незак. да выскрабціся.

2. Зал. да выскрабаць.

выскраба́ць, ‑аю, ‑аеш, ‑ае.

Незак. да выскрабці.

вы́скрабены, ‑ая, ‑ае.

Дзеепрым. зал. пр. ад выскрабці.