Verbum

вы́вадзгацца, ‑аюся, ‑аешся, ‑аецца; зак.

Разм. Вымазацца, выпацкацца. Вывадзгацца ў мазь. □ Во як вывадзгаўся, каб на цябе... Адамчык.

вы́вадзгаць, ‑аю, ‑аеш, ‑ае; зак., каго-што.

Разм. Запэцкаць, забрудзіць. Вывадзгаць кашулю.

вы́вадзіць, ‑джу, ‑дзіш, ‑дзіць; зак., каго.

Разм. Доўга павадзіць па розных мясцінах.

вы́вадка, ‑і, ДМ ‑дцы, ж.

1. Дзеянне паводле дзеясл. выводзіць — вывесці (у 11 знач.).

2. Вывад коней для агляду ці размінкі.

вы́вадкавы, ‑ая, ‑ае.

Які мае адносіны да вывадка.

вывадны́, ‑ая, ‑ое.

Які служыць для вываду, выхаду чаго‑н. адкуль‑н. Вывадная адтуліна. Вывадны канал. Вывадны апарат.

вы́важаны ​¹, ‑ая, ‑ае.

Дзеепрым. зал. пр. ад выважыць.

вы́важаны ​², ‑ая, ‑ае.

Дзеепрым. зал. пр. ад вывазіць.

выва́жванне, ‑я, н.

Разм. Дзеянне паводле знач. дзеясл. выважваць — выважыць.

выва́жвацца, ‑аецца; незак.

Зал. да выважваць.

выва́жваць, ‑аю, ‑аеш, ‑ае.

Незак. да выважыць.