даслу́жваць, ‑аю, ‑аеш, ‑ае.
Незак. да даслужыць.
даслужы́цца, ‑служуся, ‑служышся, ‑служыцца; зак.
1. Службай дабіцца, дамагчыся якога‑н. звання, пасады і пад. Даслужыцца да маёра. □ Ні да якіх чыноў .. [Лук’янскі] не даслужыўся, медалёў не зарабіў. Чорны.
2. Разм. іран. Адмоўнымі паводзінамі давесці сябе да непрыемных вынікаў, паклікаць бяду, кару. Даслужыўся, што з работы выгналі.
даслужы́ць, ‑служу, ‑служыш, ‑служыць; зак.
1. што. Прабыць на службе астатак устаноўленага тэрміну. Даслужыць абавязковую ваенную службу. □ [Кныша] на два гады адправілі ў дысцыплінарны батальён, каб пасля ён вярнуўся ў часць і даслужыў радавым у сваёй батарэі астатні тэрмін службы. Няхай. // Скончыць царкоўную службу. Даслужыць абедню.
2. Праслужыць да пэўнага часу, узросту. Даслужыць да зімы. Даслужыць да пенсіі.
даслу́хаць, ‑аю, ‑аеш, ‑ае; зак., каго-што.
Выслухаць да канца; праслухаць да якога‑н. месца, часткі. Даслухаць да канца апошнія паведамленне Даслухаць апавяданне да канца.
даслу́хвацца, ‑аецца; незак.
Зал. да даслухваць.
даслу́хваць, ‑аю, ‑аеш, ‑ае.
Незак. да даслухаць.
дасма́жвацца, ‑аецца; незак.
1. Незак. да дасмажыцца.
2. Зал. да дасмажваць.
дасма́жваць, ‑аю, ‑аеш, ‑ае.
Незак. да дасмажыць.
дасма́жыцца, ‑жыцца; зак.
Смажачыся, дайсці да гатоўнасці. Бульба дасмажылася.
дасма́жыць, ‑жу, ‑жыш, ‑жыць; зак., што.
Скончыць смажанне; смажачы, давесці да гатоўнасці. Дасмажыць бульбу. Дасмажыць сала.