Verbum

чарга, ✂, ж.

1. Парадак, паслядоўнасць у руху каго-, чаго-н.

   • Стаяць у чарзе за білетамі.

2. Чыё-н. месца ў такім парадку.

   • Прапусціць сваю чаргу.

3. Людзі, якія размясціліся паслядоўна адзін за адным з якой-н. мэтай.

   • У касу была вялікая ч.

4. Спіс асоб, якія павінны атрымаць што-н. у парадку чарговасці.

   • Ч. на атрыманне кватэр.

5. Пэўная колькасць патронаў, выпушчаных кулямётам, аўтаматам за адзін прыём.

   • Аўтаматная ч.

◊

• Жывая чарга — чарга, якая патрабуе абавязковай прысутнасці ўсіх, хто заняў яе.

• Заняць чаргу — стаць або запісацца ў чаргу за чым-н.

• У сваю чаргу — са свайго боку; адпаведна.

чаргавацца, ✂; незак.

1. Паслядоўна, па чарзе заменьвацца адно другім; перыядычна паўтарацца.

2. У лінгвістыцы, пра гукі: заканамерна замяняцца адзін другім у каранях або афіксах роднасных слоў або форм.

|| наз. чаргаванне, ✂.

чаргаваць, ✂; незак.

Паслядоўна зменьваць адно другім, размяшчаць адно за адным.

• Ч. работу з адпачынкам.

|| наз. чаргаванне, ✂.

чарговы, ✂.

1. Наступны за папярэднім.

   • Чарговае заданне.
   • Ч. аўтобус будзе праз гадзіну.

2. Які адбываецца рэгулярна, у пэўнай паслядоўнасці.

   • Чарговая сесія.

3. Які паўтараецца рэгулярна час ад часу.

   • Чарговая сустрэча.

|| наз. чарговасць, ✂.

чардаш, ✂, м.

Венгерскі народны танец, а таксама музыка ў рытме гэтага танца.

чарка, ✂, ж.

1. Невялікая шкляначка, часта на ножцы, прызначаная для піцця спіртных напіткаў.

2. Спіртное; выпіўка (разм.).

   • Ён ніколі не адказваўся ад чаркі.

|| памянш. чарачка, ✂.

|| прым. чарачны, ✂.

◊

• Глядзець у чарку (разм. іран.) — любіць выпіць.

• Пад чаркай (быць) (разм.) — п’яным (быць).

• Заглядаць у чарку (разм. іран.) — выпіваць.

чарльстон, ✂, м.

Амерыканскі танец з чатырохдольным рытмам, а таксама музыка да гэтага танца.

чарна...

Першая частка складаных слоў, ужыв. замест «чорна...», калі націск у другой частцы падае на першы склад, напр. чарнабровы, чарнакрылы, чарнабурка.

чарнабровы, ✂.

З чорнымі бровамі.

• Чарнабровая дзяўчына.

чарнабурка, ✂, ж. (разм.).

Чорна-бурая ліса, а таксама футра, каўнер з такой лісы.

• Паліто з чарнабуркай.