Verbum

шарлата́н

(фр. charlatan)

падманшчык, махляр, невук, які выдае сябе за знатака.

шарла́х

(ням. Scharlach)

фарба ярка-чырвонага колеру.

шарло́тка

(фр. charlotte)

салодкая страва з запечанага цеста або сухароў са слаямі яблыкаў.

шарм

(фр. charme)

чароўнасць, прывабнасць.

шарні́р

(ням. Scharbier, ад фр. charnière)

рухомае злучэнне дэталей, якое дазваляе ім паварочвацца толькі вакол агульнай восі або агульнага пункта.

шартрэ́з

(фр. Chartres = назва французскага горада)

сорт моцнага духмянага лікёру.

шарфю́рэр

(ням. Scharführer)

званне ў СС у фашысцкай Германіі, якое адпавядала званню фельдфебеля.

шархе́бель

(ням. Schärfhobel)

стругальны інструмент (гэбель) для першаснай апрацоўкі драўніны (да неабходнай таўшчыні) і для надання паверхні ўвагнутага профілю.

шарыя́т

(ар. śarāt)

звод мусульманскіх прававых і рэлігійных норм і правілаў, заснаваных на Каране (параўн. адат).

шарэ́нга

(ст.-польск. szeręg, ад венг. sereg)

строй, у якім ваеннаслужачыя размешчаны адзін побач з другім тварам у адзін бок па прамой лініі.