Verbum

электракалары́фер

(ад электра- + каларыфер)

прыбор для награвання паветра цяплом, якое выдзяляецца ў выніку прытоку электрычнага току.

электракамі́н

(ад электра- + камін)

абагравальны бытавы прыбор, які дзейнічае на электраэнергіі.

электракардыёграф

(ад электра- + кардыёграф)

прыбор, пры дапамозе якога ажыццяўляецца электракардыяграфія.

электракардыягра́ма

(ад электра- + кардыяграма)

графічны адбітак работы сэрца, зроблены электракардыёграфам.

электракардыягра́фія

(ад электра- + кардыяграфія)

метад даследавання фізіялагічных уласцівасцей сэрца шляхам графічнай рэгістрацыі электрычных імпульсаў, якія ўзнікаюць у сардэчнай мышцы.

электракару́нд

(ад электра + карунд)

штучны карунд, які атрымліваецца ў выніку электраплаўкі баксіту, натуральнага карунду або гліназёму.

электрака́ры

(ад электра- + англ. car = возік)

цялежка з электрычным рухавіком, які жывіцца ад акумулятараў, для ўнутрызаводскіх і ўнутрывакзальных перавозак грузаў.

электрака́ўстыка

(ад электра- + гр. kaustikos = пякучы, едкі)

тое, што і гальванакаўстыка.

электракра́н

(ад электра- + кран)

пад’ёмны кран, які дзейнічае пры дапамозе электрарухавіка.

электралі́нія

(ад электра- + лінія)

устройства з проваду, кабелю і электраарматуры для перадачы электраэнергіі.