Verbum

ро́кер

(англ. rocker, ад rock = гайдацца)

асабліва складаная фігура ў фігурным катанні на каньках.

ро́керы

(шв. raggare)

групы моладзі, якія раз’язджаюць на матацыклах і кідаюць выклік грамадству парушэннем правіл руху і грамадскіх норм паводзін.

рок-н-ро́л

(англ. rock-and-roll = літар. трасіся і пагойдвайся)

парны танец амерыканскага паходжання, для якога характэрны харэаграфічныя падтрымкі і наўмысная нядбайнасць партнёра да партнёршы.

рол

(ням. Rolle = каток)

1) цыліндр, вал, каток, які круціцца;

2) машына для размолу валакністых матэрыялаў, якія служаць для вырабу паперы, кардону;

3) скрутак цыліндрычнай формы з якога-н. матэрыялу.

ро́лер

(англ. roller, ад roll = скручваць)

машына для скручвання чайных лістоў.

ро́лік

(ням. Rolle)

1) дэталь машыны ў выглядзе невялікай шпулькі, кола або барабана, які круціцца;

2) частка падшыпніка ў выглядзе стальнога цыліндра;

3) невялікае металічнае кольца на ножках мэблі, раяля і інш.;

4) фарфоравы ізалятар для замацавання электрычных правадоў на сцяне, столі і інш.;

5) мн. канькі на калёсках.

ро́льганг

(ням. Rollgang, ад Rolle = каток + Gang = ход)

прыстасаванне для транспартавання масавых паштучных і тарных грузаў, якое складаецца з апорнай станіны і ролікаў, ролікавы транспарцёр.

ро́ля

(фр. role)

1) драматычны вобраз, які ўвасабляецца акцёрам на сцэне, у кінафільме і г.д.;

2) поўны тэкст выбраных з п’есы слоў адной дзеючай асобы;

3) перан. ступень удзелу, мера ўплыву, значэнне ў якой-н. справе, падзеі.

ром

(англ. rum)

моцны спіртны напітак з пераброджанага соку цукровага трыснягу.

ромб

(гр. rhombos)

паралелаграм з роўнымі старанамі і непрамымі вугламі.