Verbum

дэфо́метр

[ад дэфа(рмацыя) + -метр]

прыбор для выяўлення пластаэластычных уласцівасцей каўчуку і гумовых сумесей.

дэфраста́цыя

(ад дэ- + англ. frost = мароз)

размарожванне харчовых прадуктаў (мяса, рыбы і інш.).

дэфро́стэр

(англ. defroster)

1) камера ў халадзільніку, якая мае ацяпленне і ўзмоцненую цыркуляцыю паветра (для захавання яец, фруктаў і інш.);

2) прыстасаванне для абдзімання цёплым паветрам ветравага шкла аўтамабіля, каб не абмярзала.

дэхка́нін

(ад цюрк. dihqan = вясковы)

селянін у Сярэд. Азіі.

дэхларава́ць

(ад дэ- + хлор)

1) праводзіць дэхларацыю 1;

2) праводзіць дэхларацыю 2.

дэхлара́цыя

(ад дэ- + хлор)

1) выдаленне хлору з арганічных злучэнняў, якія змяшчаюць у сабе хлор;

2) ачышчэнне водаправоднай вады ад хлору, дзе ён застаецца пасля хларавання.

дэцы-

(лац. decem = дзесяць)

першая састаўная частка складаных слоў, якая абазначае дзесятую долю меры, што названа ў другой частцы.

дэцыбе́л

(ад дэцы- + бел)

лагарыфмічная адзінка адносін энергіі, сілы ў радыётэхніцы, электратэхніцы, акустыцы, роўная 1/10 бела.

дэцыгра́м

(ад дэцы- + грам)

адзінка вагі, роўная 1/10 грама.

дэцылі́тр

(ад дэцы- + літр)

мера ёмістасці, роўная 1/10 літра.