Verbum

клі́рык

(гр. klerikos)

член кліру, царкоўнаслужыцель.

клі́рынг

(англ. clearing, ад clear = ачышчаць, уносіць яснасць)

сістэма безнаяўных разлікаў за прададзены тавар або выкананую работу, якая ажыццяўляецца праз банк.

клі́рэнс

(англ. clearance)

адлегласць паміж ніжэйшымі пунктамі канструкцыі аўтамабіля (за выключэннем колаў) і дарогай.

клістро́н

(ад гр. klyzo = б’ю + -трон)

звышвысокачастотная электронная лямпа; выкарыстоўваецца для ўзмацнення, генерыравання, павелічэння частаты ваганняў і інш.

клісці́р

(гр. klyster)

тое, што і клізма.

кліто́піл

(н.-лац. clitopilus)

шапкавы базідыяльны грыб сям. ружовапласціннікавых, які расце на палянах, узлесках; адзін з відаў — падвішань.

клі́трыс

(н.-лац. clithris)

сумчаты грыб сям. псеўдафацыдыевых, які развіваецца на галінках дуба.

кліф

(англ. cliff)

абрыў марскога берага, які ўтвараецца пад уздзеяннем прыбою.

клішо́граф

(ад фр. cliche = адбітак + -граф)

разнавіднасць электроннага гравіравальнага аўтамата.

клішэ́

(фр. cliché)

рэльефны малюнак, чарцёж, зроблены на металічнай, драўлянай або лінолеумавай пласцінцы для ўзнаўлення яго пры друкаванні, друкарская форма.