Verbum

забо́ры Род парогаў на Дзвіне (Віц. Рам. Мат.).

забо́рышча ​¹ Месца за борам (Слаўг.).

забо́р'е Месца, якое знаходзіцца за лесам, за борам (Віц. Рам. Мат.).

□ в. Забор'е ці Заборы Віц. (Рам. Мат.), в. Забор'е (частка в. Пруды, яе вуліца) Стаўбц.

забо́чышча ​² Месца па баках чаго-небудзь; бок старыцы (Рэч.). Тое ж забачэўе, забакі́, закаба́кі (Слаўг.), забочча (Нас., Слаўг.).

□ ур. Забочышча (луг) каля в. Заспа Рэч.

забро́ддзе Месца за бродам (Жытк., Слаўг.). Тое ж забродзішча, забраддзё, забрадзя́ннё (Слаўг.).

за́вад

1. Месца, дзе зроблена печ для вырабу шкла, для выпальвання вугалю, для выганкі смалы, дзёгцю (Маг. губ. Карскі, 3).

2. Новае месца пасялення; пачатак забудавання (Слаўг.).

3. Парода, звычайна гатунковае насенне (Слаўг.).

4. Пчальнік (Слаўг.).

□ в. За́вад (цяпер частка в. Віравая), в. За́вад (Пчэльня) Слаўг.

за́вадзі́шча Месца, дзе стаяў завод (Слаўг.).

□ ур. Завадзі́шча Слаўг. (Спіс. 31).

за́вадзь Затока, заліў (БРС).

зава́л Ссечаныя дрэвы, якія перагароджваюць дарогу (БРС).

зава́лле Нахільныя саступы на схіле гары, узгорка (Рагач., Слаўг.).

□ ур. Зава́лле каля в. Лучына Рагач.