Verbum

макетава́ць, ‑тую, ‑туеш, ‑туе; незак.

Рабіць макет чаго‑н.; увасабляць што‑н. у макеце. Макетаваць механізаваную жывёлагадоўчую ферму.

маке́тны, ‑ая, ‑ае.

Які мае адносіны да макета. Макетная майстэрня.

маке́тчык, ‑а, м.

Той, хто робіць макеты.

маке́тчыца, ‑ы, ж.

Жан. да макетчык.

макінто́ш, ‑а, м.

Лёгкае летняе паліто, часцей прарызіненае. У адным і другім кірунку ў накінутых на плечы макінтошах прагульваліся людзі. Карпаў.

[Ад уласн. імя.]

макі́тра, ‑ы, ж.

Абл. Макацёр. Насця .. паставіла на стол макітру тварагу са смятанай і скварак трохі падсмажыла. Навуменка.

макіяве́леўскі, ‑ая, ‑ае.

Які мае адносіны да макіявелізму; хітры, каварны, двудушны. Макіявелеўская палітыка.

макіявелі́зм, ‑у, м.

Палітыка, пры якой выкарыстоўваюцца любыя сродкі для дасягнення мэты. // перан. Вераломства, каварства.

[Ад імя Макіявелі — італьянскага палітычнага дзеяча і пісьменніка, які ў сваіх творах апраўдваў любыя сродкі барацьбы за ўладу.]

макіявелі́ст, ‑а, М ‑сце, м.

Паслядоўнік макіявелізму.

макія́ж, ‑у, м.

Комплекс касметычных працэдур, звязаных з упрыгожаннем твару памадай, пудрай, ласьёнам і пад.

[Фр. maquillage.]